Робот-пылесос ELARI SmartBot Lite

SmartBot Lite робот-чаң соргучу сиз жок мезгилде да жеңил, кургак тазалоо ишин аткарып коёт. Чаң жана суу үчүн кош функциялуу контейнердин жардамы менен нандын күкүмдөрүн, чаңды, майда калдыктарды жана үй жаныбарларынын түктөрүн чогултуп, көзөмөлүңүз алдында нымдуу чүпөрөк менен полду сүртүп берет. Чакан батирлер үчүн абдан ыңгайлуу жана заряддоосуз 110 мүнөткө чейин иштөөгө жөндөмдүү. Ламинат, линолеум, плитка, ковролин жана кыска түктүү килемдердин бетин оңой эле тазалап, 1 см чейин бийиктиктеги босоголордон өтө алат. Автоматтык режимде чаң соргуч бөлмөнүн периметрин айланып өтүп, зигзаг багытында ортосун тазалайт да, муну эки жолу кайталайт. Ичине орнотулган гироскоп навигацияны жакшыртса, ылдый кулап түшүү датчиктери чаң соргучту тепкичтин кырында түшүрбөй кармап турат, ал эми кагылышуу датчиктери менен жумшак бампери дубалдарга жана эмеректериңизге зыян келтирбейт. Үйдү тазалап бүткөн соң, чаң соргуч автоматтык түрдө заряддоо базасына кайтып келет.        

Робот-чаң соргучту ELARI SmartHome тиркемесинен оңой башкара аласыз: анын учурдагы абалын текшерүү, керектүү убакытты белгилөө, оптималдуу тазалоо режимин тандоо мүмкүн. Топтомдун ичинде көбүрөөк кирдеген жерлерди тазалоо үчүн чаң соргучту кол менен башкарууга арналган атайы джойстик-пульт бар. SmartBot Lite роботу добуштук жардамчылардын буйруктарын да аткарат.